مطلوب أطباء للعمل في بروناي بمرتب 4000 دولار شهرياً الهجرة نيوز
الهجرة

مطلوب أطباء للعمل في بروناي بمرتب 4000 دولار شهرياً

مطلوب أطباء للعمل في بروناي بمرتب 4000 دولار شهرياً تم نزول الإعلان يوم ١١ مايو وينتهي التقديم في 8 يونيو 2020 مطلوب اطباء في عدد من التخصصات وممارسين.. لكن الإعلان فيه مشكلة صغيرة.. انه نازل علي موقع وزارة القوي العاملة وليس موقع وزارة الصحة كما هو معتاد..

مطلوب أطباء للعمل في بروناي
مطلوب أطباء للعمل في بروناي

▪︎طب ايه المشكلة في كدة أو دا معناه ايه اصلا؟

اقولك يا سيدي دا معناه ايه.. النظام في بروناي ان اي حد جديد بييجي تبع وزارة الصحة بييجي علي عقد لوكم لمدة سنة.. وبعد كدة بيتثبت بعقد لمدة ٣ سنين مع وزارة القوي العاملة لما بتنزل إعلان.. فالإعلان اللي نزل دا زي ما انت فهمت كدة بالضبط معمول أساسا للناس اللي موجودة هناك بالفعل علي عقود لوكم سنوية عشان يتثبتوا.. متستعجلش كمل باقي المقالة.

مطلوب أطباء للعمل في بروناي

بعد التحدث مع وزارة القوي العاملة في بروناي أكدوا ان الأشخاص اللي مش موجودة ومش registered في بروناي تقدر تقدم برضه وحياخدوا منهم ناس لو العدد اللي موجود في بروناي ماكفاش، بس الأولوية طبعا للناس اللي موجودة هناك بالفعل.. ودا حتي موضح في الصفحة الرئيسية اللي عليها الإعلان 

مطلوب اطباء للعمل في بروناي
مطلوب اطباء للعمل في بروناي

▪︎ طيب انت حيرتنا معاك.. نعمل ايه دلوقتي؟ نقدم ولا مانقدمش؟؟
لأ طبعا تقدموا عادي جدا وتخلوها علي الله.. واللي ليه نصيب في حاجة حياخدها..
▪︎ طب فين الإعلان نفسه بقي؟ ايه كل الرغي دا؟؟ 😝
ادي لينك الإعلان اهو
http://www.spa.gov.bn/SitePages/Iklan%20Luar%20Negeri.aspx

وادي الشرح بتاعه والتفاصيل اللي مكتوبة بين السطور او مش مكتوبة اصلا
بروناي طالبة نواب في التخصصات التالية:

  • ١ طبيب نفسية
  • ٢ طبيب جلدية
  • ١ طبيب رمد
  • ١٥ طبيب طوارئ
  • ١٣ طبيب باطنة عامة
  • ٢ طبيب جراحة تجميل
  • ٤ أطباء أطفال
  • ١٣ طبيب نسا (females only)
  • ٢ طبيب باثولوجي
  • ٣ طبيب جراحة عامة
  • ١ طبيب مسالك
  • ٣ طبيب قلب

بالإضافة لتخصصين مكتوب انهم تحت مسمي الpublic health care ومش عارف بصراحة ايه المطلوب فيهم بالضبط..

  • ٢ صحة أمهات او الصحة الأمهاتية (maternal health.. مش عارف تترجم ازاي بصراحة 😁 ) وهي وظيفة متابعة حوامل ومتابعة ما بعد الولادة.
  • ٢٢ طبيب  رعاية صحية أولية primary health care..
أطباء-للعمل-في-بروناي
أطباء-للعمل-في-بروناي

أنا أعتقد انها وظيفة طب أسرة أو للGP.. رأيي ان الاتنين يقدموا ومش حيخسروا حاجة

موعد وشروط التقديم في الاعلان

  •  التقديم في الإعلان لحد ٨ يونيو
  • العقد لمدة ٣ سنين
  • المرتب ما يعادل حوالي ٤٠٠٠ دولار أمريكي شامل البدلات
  • الدرجة المطلوبة لكل الوظايف هي medical officer grade 2.. ودي تعادل نايب عندهم
  • مش شارطين وجود ماستر او اي شهادات post graduate للتقديم.. بس وجودها حيزود فرصك طبعا.. أهم حاجة الخبرة.. والشهادات الأجنبية حتي لو جزء اول بس زي mrcp او mrcs
  • الإيميل بتاع التقديم مش حقوله هنا عشان هو سر طبعا.. وعشان موجود في الفورم اللي في اللينك اللي فوق.. والفورم دي – هي وال check list – مهم جدا جدا انها تتقرأ بالراحة وبتأني شديد قبل ما تبعت اي حاجة عشان فيها تفاصيل مهمة جدا (الورق المطلوب – طريقة كتابة وإرسال الإيميل وال cover letter – حجم الورق والصيغة بتاعته – ازاي تطبع وتملا الفورم – بالإضافة للإيميل اللي المفروض تبعت عليه الورق).. وابعتوا كمان علي ايميل وزارة الصحة العادي

 انا شايف ان الفورم سهلة جدا ومافيهاش أي حاجة معقدة.. في الصور حتلاقوا سكرين شوت منها هي وال check list لأهم حاجات لازم تتقرأ.. لو فيها حاجة مش واضحة او محتاجين مساعدة فيها.. أو لو عندكم أسئلة قولوها ولو اعرف الإجابة حرد عليكم في التعليقات ان شاء الله
تحديث:
 وظايف الأسنان والصيدلة والعلاج الطبيعي مقصورة على أهل البلد لأن عندهم وفرة منهم

الوسوم

Ahmed Montaser

اسمي احمد منتصر شغوف بالسفر للخارج, سافرت الي العديد من الدول الأوروبية والعربية حاصل علي بكالوريوس تجارة, أسعي دائماً الي جمع المعلومات الجديدة حول السفر والهجرة وأحاول تقديمها بشكل مبسط من خلال مقالاتي علي موقع الهجرة نيوز يسعدني تلقي أي سؤال أو إستفسار من خلال مراسلتي.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

فضلاً وليس أمراً قم بتعطيل إضافة مانع الإعلانات حتي تتمكن من رؤية المحتوي