الرئيسية / غير مصنف / مؤشر RSI في سوق العملات الرقمية وكيف تستخدمه

مؤشر RSI في سوق العملات الرقمية وكيف تستخدمه

مؤشر RSI .. هو مؤشر يبين لنا حالة السوق وهل هناك اتجاه للبيع او للشراء .. باختصار اللى المفروض تعرفه عن المؤشر انه مؤشر على اتجاه السوق ( مش بيحدده ) .. اهم نقطتين لازم تعرفهم نقطه 30 ونقطه 80 ..

مؤشر RSI
مؤشر RSI

كيف تستخدم مؤشر RSI

كما ذكرنا اهم نقطتين لازم تعرفهم علي مؤشر RSI نقطه 30 ونقطه 80 .. لو لقيت السوق وصل لنقطه 30 حتى لو هو هابط اعرف انه حاله البيع اتشبعت خلاص وانه السوق حيعكس من الهبوط للصعود ..

نقطه 80 معناها ان السوق اتشبع من عمليات الشرا يعنى لو ناوى تخش عمله ولقيت المؤشر عند النقطة دى اعرف ان الوقت مش مناسب انك تشترى وفيه مخاطره ..

ما بينهم هو اتجاه السوق ومدى قوة الحاله المسيطره ..

يعنى كل ما ينزل ويقرب على ال30 اعرف ان في حاله بيع قوية والبيع مسيطر وكل ما يطلع ويقرب على 80 ( خصوصاً من 60 ل 80 ) اعرف ان الاتجاه صاعد ..

المؤشر احد ادوات التحليل الفنى التحليل الفنى نفسه اداه مساعده مش اساسية في العملات الالكترونية يعنى الاهم من كل ده تعرف حاله السوق بالاخبار والسوق مستقر ولا ..

ده مجرد اجتهاد لتوضيح الفكره العامه علشان لما تشوف الكلمة دى (RSI) تبقى فاهم عالاقل معناها.

مؤشر RSI

– الاتجاه العرضي او فترة التجميع .. بتلاقى مجموعه شمعات تقريبا على خط واحد .. ده المسميات الفنية بتاعتها .. التفسير الحقيقي ان ما يسمى بالحيتان بتحاول تتحكم في سوق العملات الرقمية وتجمع اكبر قدر من العمله ( او العكس ) قبل حدث معين ..

هدف الحوت بيبقى شراء اكبر كمية ممكنة بسعر اقل او حتى منع انفجار السعر قبل ما يكون هو جمع اكبر كمية .. اكبر مثال شارت الليسك ( سير عرضي ثم انفجار ثم سير عرضي الخ ) او بالارقام تحجيم الليسك عند سعر 30 دولار و25 دولار وقبل الارتفاع مباشرة انخفاض السوق بدون سبب بشمع ديوله كبيرة ( الحوت بيعرض كمية كبيرة بسعر قليل ( غالبا هو نفسه اللى بيشتريها تانى ) فالناس اللى حطه ستوب لوس لارادى بتبيع وهو بيشترى + ناس بتخاف او تطمع انها تشترى من تحت بتبيع وهو برضه بيتشرى ) ..

اللى محتاج تعرفه لما ده يحصل انك متبيعش ولو معاك فلوس مش في صفقات دعم بيها الصفقه دى لان غالبا حيحصل ارتفاع كبير في سعر العمله قريب

أفضل العملات لعام 2018

– اللى مشتراش البيتكوين وهو ب6 و 8 حيشتريه وهو ب13 و17 واللى مشتراش وهو ب13 حيجى وهو ب22 يسألك اشترى ولا لا ..ونفس الشخص اللى كان مستنيه وهو 500 دولار حيرجع يتمنى انه ينزل ب8000 علشان يشترى ولو نزل ل8000 تانى برضه مش حيشترى ..

الاسواق الجديدة بتكون غير مستقرة وده معناه مخاطره عاليه و فرص ربح اعلى ..كل مدى البيتكوين بيبدا يبقى امر واقع ويفرض نفسه وده معناه مخاطره اقل وفرص اقل لان الناس شافت امكانياته وفرصه ولو انت معندكش نيه للمخاطره مقابل الربح فالعالم فيه 7 مليار شخص واحد % منهم فقط عنده رغبه في انتهاز الفرص مش حيخلى السوق يقع للنقطه اللى انت عايزها .. السوق مش بالامانى

– بيع عند النقطه اللى انت محددها لنفسك محدش يقدر يجاوب على سؤال ابيع امتى ..سؤال عاوز عمله اقل من دولار علشان استثمر فيها غلط ..العملات مش باسعارها لكن بفرصها + التشبع بتاع سوقها ..

عمله زى البيتكوين وهى ب6 الاف فرصها احسن مليون مره من عمله باقل من سنت في الفترة اللى فاتت ..لكن في نفس الوقت لما البيتكوين يوصل ل19 الف حتبدا فرصه تقل حتى لو متاكد 100% انه حيزيد لكن حيزيد كام ضعف ؟!

في عملات فالسوق فيها فرص كبيرة جداً وفي عملات اتشبعت حتى لو كانت كويسة وحتبدا تصحح وضعها بالبيتكوين قدام الدولار ( سعرها بالبيتكوين حينزل علشان يناسب سعرها العادل بالدولار اما يرتفع قيمة البتكوين ) ..والريبل مش حصوصل ل 100 دولار ولا الدوج كوين حيوصل لدولار

ماهو الوقت المناسب لشراء العملات

– في نوفمبر كان سعر البيتكوين 6 الاف وفي ديسمبر ويناير وصل ل19 ومن اسبوع او 10 ايام وصل ل6 ..كل ده في اقل من 4 شهور ..

سوق زى ده مينفعش معاه السكالبينج والمضاربه ..لانك حتكون قدام حلين ملهمش تالت لاما تبيع بخسارة وتفضل تخش صفقات ويعكس السوق وخسارتك اكبر من مكسبك ومعتمد عالحظ ..

لاما متبيعش بخسارة وتستنى لغاية لما السوق يرتفع تانى ودى حاجه ممكن تاخد ايام واسابيع ..ولو انت عندك استعداد من الاول تصبر لتعويض خسارتك ليه متختارش من البداية مجموعه عملات كويسة وتستنى سعر مناسب للدخول ليهم وتخزنهم وتريح اعصابك وتحافظ على مالك ..

المضاربة وصفقات النص ساعه وال3 ساعات معتمده في السوق على الحظ 100% لان التحليل الفنى نسبه صحته 20% في الكريبتو ولازم يكون مصاحب لسوق مستقر واخبار جيدة ..

اللى ينفع فالفوركس مينفعش فالكريبتو واللى كان ينفع فالكريبتو من سنة او اتنين مينفعش دلوقت مع سوق كبير وصراع حيتان ودول وبنوك

عن ahmedmontaser

اسمي احمد منتصر شغوف بالسفر للخارج, سافرت الي العديد من الدول الأوروبية والعربية حاصل علي بكالوريوس تجارة, أسعي دائماً الي جمع المعلومات الجديدة حول السفر والهجرة وأحاول تقديمها بشكل مبسط من خلال مقالاتي علي موقع الهجرة نيوز يسعدني تلقي أي سؤال أو إستفسار من خلال مراسلتي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *